St Teresa de Avila Feast Day

今日係大德肋撒（St Theresa de Avila)嘅feast day. 我睇佢嘅自傳真係學到野又感受好深。冒昧分享一下，有錯嘅話可以指證🙏🏻。

佢嘅生平大概都可以喺維基百科嗰度睇到。大概撮要就係：佢都係一個多人追靚女嚟嘅：咁後生嘅時候去修道院呢都係chill住咁過。去到39歲嗰年，through 聖像默想開始同耶穌建立一個好深厚嘅關係，亦對越嚟越對祈禱熱切。慢慢就覺得自己個修道院嗰個規律唔夠唔夠嚴謹，咁就毅然喺好多人嘅反對底下就建立咗一個新嘅修會叫加爾墨羅赤足修會。

我依家睇佢嘅自傳，睇到佢遇到好多就算佢好close嘅人，例如佢嘅修院一齊每日都一齊生活嘅修女，由細到大聽佢告解嘅confessor，或者當地嘅人同政府，都反對佢起一個新嘅修會，如果俾我感覺就係被背叛同埋離棄。咁喺呢個時候呢佢當然向天主去禱告啦。咁喺佢嘅自傳裏面大概三分之二呢，其實都係佢對天主嘅禱文去訴說心裏面嘅不安啊或者不確定，或者係對佢嘅大能恩寵嘅感謝同埋崇敬。

睇到一道我覺得好神奇嘅地方同唔願意去相信嘅地方，就係呢佢本來已經搵到呢一個地方，去起一個好細，一間屋咁大嘅修院。因為佢係一個修女，佢實在冇錢。但係唔知點解呢就當佢要起時就有突然間有啲人出錢出力就幫手整好哂。我覺得呢個係我好冇信德嘅人啊好難相信佢哋啲同時，佢又確確實實咁樣發生咗。亦都呼應上個主日嘅讀經，耶穌都係講到就咁人呢係冇可能，但係喺天主面前咩都有可能。 咁個故仔最後就係當然聖大德肋撒就成功建立咗新嘅修會。依家好多對祈禱有聖召嘅修士同修女都會加入呢個修會。依個修會係香港今日赤柱都有一間修道院（Carmelite Monastery)。

咁我自己學到嘅就係點樣祈禱。其實我初頭都唔係好明都覺得好難去讀呢本書，本身呢都係想去了解吓佢創業嘅事蹟啦，點解冇我想睇嘅野？但係呢慢慢呢就發現(或者係被點醒）呢其實呢個唔係一個平時啲創業故仔或者自傳。平時好多都係關於個創辦人佢自己嘅故事，依本係着重佢同天主嘅關係。當我用一個新嘅角度去睇呢本書嘅時候，就發現呢本書真係好正。當然好多人都會着重佢形容緊嗰四個唔同嘅祈禱嘅階段，我覺得祈禱默思經歷到嘅都係天主嘅恩寵，我可以做嘅就係擺出時間同埋一心一意去祈禱。咁呢個就係我學到關於祈禱嘅嘢。

有冇第二啲聖人嘅書係大家都好推薦？