孟母三遷 vs Tina from Vallejo

係Medium 都有刋登

係Code for America 嘅 Summit, 感受最深嘅其中一件事就係係一個關於警民關係嘅分享。有一個令我好深印象。

係Oakland 北面有個小城市叫Vallejo，裡面多數係窮人居住，治安好差，成日都有入屋行劫發生，連差人都冇法解決。

啲差人當然有苦衷，加州財困，學喜記老闆話齋，「哪有錢？你老母！」

係依個時候，一個有三個小朋友嘅Tina媽媽剛剛搬到Vallejo，就俾人入屋搶劫。好在冇咩受傷，但係都嚇餐飽。佢覺得好嬲，唔想自己嘅小朋友係咁嘅環境長大。就聯合其他鄰居，組織左一支巡邏隊，分析左邊到入屋行劫最嚴重，就重點巡邏當地。

係佢開始左佢個計劃兩個月，就有百幾個鄰居加入左巡邏隊，兩年之間就將社區變成一個安全嘅社區。故事最後當然係BBQ，Tina 做左警察一員，政府又威威左，個社區又少左罪犯。

咁我作為一個華人，教育子女其中一個典範，就係孟母三遷嘅故事。孟子細個住嘅地方係殯儀館，孟子就學「壞」哂，孟子阿媽就搬到城市裡面，點知仲衰，學埋啲老粗。最後佢地搬到學校附近，就掂哂喇。

華人就係俾依啲儒家思想教到有問題就係逃避，走佬，唔識解決問題。難怪中國只係難民輸出者，唔會有難民想去安居樂業。我地香港人就唔同，幾多人想黎，就係好多香港人一直都可以見招拆招，就係我地唔會走左去，點都死掂佢。對老闆我地都可以咁，對香港嘅問題，我地一樣可以死掂佢。